Raiffeisen Bank”, krijon qendër të specalizuar të kredive për shtëpi dhe banesa

Raiffeisen Bank në Kosovë do të organizojë një ceremoni solemne me rastin e hapjes së qendrës “Shtëpia ime”, qendër e specializuar për kredi për banesa dhe shtëpi në lokalet e Raiffeisen Bank.
Kjo nismë e kësaj banke vjen në një kohë që ka shumë të interesuar për produktin kredi për banim, por për shkak të kamatave shumë të larta, shfrytëzohet shumë pak.

Sipas raportit vjetor të Bankës Qendrore të Kosovës, kreditë për sektorin e banimit dhe ndërtimit nuk kanë pasuar asnjë ndryshim të rëndësishëm gjatë vitit 2007, duke qëndruar në 0.1% përkatësisht 0.7% të tërësisë së kredive.

Kredia për banim, produkt ky i cili është promovuar për herë të parë para dy vitesh, që në start pronarët e kompanive të ndërtimit patën paralajmruar dështimin për shkak të superkamatave deri në 11-12 përqind vjetorë për këtë kredi.

Nëse merr kredi për ndonë banesë me këto kamata në vlerë prej 100 mijë eurove, atëherë në fund të kredisë, pas 15 vitesh do i kesh paguar bankës dyfishin e shumës apo plot 200 mijë euro.