Ford Focus RS

Ford Focus RS
Më në fund kompania automobilistike, "Ford", edhe në mënyrë zyrtare i ka bërë të njohura detajet e modelit ekstrem të Focus RS, i cili do të jetë automjeti më i fuqishëm në kategorinë e automjeteve që tërheqin me rrotat e përparme.
I vetmi problem është se automjetet të cilat tërheqin me rrotat e përparme mund të mbajnë mesatarisht fuqi prej 220-230 KF, pasi që te motorët më të fuqishëm shumë shpejtë mund të humbet kontrolli në drejtimin e automjetit.




Megjithatë, drejtuesit e kompanisë pohojnë se e kanë zgjidhur këtë problem duke prodhuar një diferencial të ri të përparmë, të quajtur Quaife Automatic Torque Biasing, i cili e pengon rrëshqitjen e rrotave të përparme.



Motori është me pesë cilindra, 2.5 litra, i cili në versionin ST realizon 225 KF. Ndërsa te modeli RS me ndërtimin e një mbushësi më të madh turbo, me interkulerë më të mëdhenj dhe elektronikë të re, motori zhvillon 295 KF dhe një moment prej 410 Nm.