Ndërtimtarët dhe industrialistët e Stambollit interesohen për Kosovën

Ndërtimtarët dhe industrialistët e Stambollit interesohen për Kosovën
Një delegacion i biznesmenëve nga Turqia u informua sot në Odën Ekonomike të Kosovës (OEK), për mundësitë e investimeve në Kosovë dhe krijimin e një partneriteti më të avancuar të bizneseve të të dyja vendeve.
Takimi në mes të biznesmenëve nga regjioni i Stambollit dhe biznesmenëve kosovar në OEK, u cilësua si rast i mirë për promovimin e mundësive për investime të drejtpërdrejta në Kosovë.

Safet Gërxhaliu, drejtor për marrëdhënie me jashtë në OEK theksoi se është e pamundur të mendohet se Kosova do të ketë stabilitet politik, nëse nuk do të sigurohet zhvillimi ekonomik, mirëpo zhvillim ekonomik nuk do të ketë nëse nuk krijohet një ambient i volitshëm për të inkurajuar investitorë nga jashtë.

Duke folur në emër të biznesmenëve nga Turqia, Nezih Liman, tha se biznesmenët turq para luftës, gjatë dhe pas luftës, kanë qenë gjithnjë të pranishëm në Kosovë me investime të tyre.

"Ne jemi këtu sot të gjithë së bashku për të shikuar mundësinë për t'i dhënë një shtytje zhvillimit ekonomik të Kosovës".

Ai tha se delegacioni i afaristëve nga Turqia përbëhet nga biznesmenë të fushave të ndërtimtarisë dhe tekstilit, por edhe fushave tjera